最豪國度！新加坡航空來回杜拜$2,500

小編自認拜金仔，所以如果有機會去全世界最豪國度拜一次金就好啦！不過直航機票閒閒地都要4千幾以上，相反6月23日前出發，使用折扣代碼後，坐新加坡航空來回杜拜$2,500 (連稅$3,094)！票價包30KG 行李，而且轉機時間夠哂短，同坐直航差唔多時間咋！

【出發日期】
即日起至6月23日

【訂飛日期】
即日起至2月28日

【停留期限】
2至30日

【訂飛網址】
Cheaptickets.hk (連稅$3,014，需以此連結訂購並於付款頁面輸入$100折扣代碼：FLYDAYINT2019)

新加坡航空官網 (連稅$3,235)

小編一向都幾鍾意新航，一來價錢唔貴，不過性價比就好高，其中不得不讚佢多航班選擇呢點，好似飛杜拜咁，最短停留時間只需2小時，同直飛差唔多時間。

同樣地因為多航班選擇，亦可以「自製中停新加坡」，好似下圖的示範圖，喺官網訂機票，揀新加坡逗留12小時都係相同價錢，而最長可以停留24小時，不過應該無人想蝕酒店掛。

但留意返，喺Cheaptickets.hk訂無官網咁多時間揀，而且中停耐啲會貴多$50 起。

再醒多樣野俾大家，搵平飛日子唔使喺Cheaptickets.hk逐日逐日撞，反而第一件事上返官網剔「彈性旅行日期/最低票價」，然後一下子就會出哂平飛日子，抄抵航班日子再去Cheaptickets.hk訂，就會見到更平嘅飛！

講到明係拜金之旅，緊係要去用好多金建造嘅地方沾下金氣。哈里發塔(Burj Khalifa)係全世界最高嘅大廈，總高度有828公尺。喺124樓觀景台可以睇哂杜拜景觀，遠眺一望無際城市、沙漠和海洋，夠哂富貴逼人。