依家無得去旅行,又掛住當地嘅味道咁點算?唔使怕,小編最近係遊牧雜貨見到有唔同國家嘅食物、商品賣,今次就幫你整理咗九款人氣熱銷商品,除咗零食,仲有野飲,等你安坐家中都可以瞬間去旅行!
依家係遊牧雜貨買野仲有優惠添呀,只要輸入 Flyday20 即減$20!
1. KYOTO VENETO 抹茶芝士夾心餅 $80
KYOTO VENETO位於日本京都,用創新嘅方法去製作傳統甜品,出名將中西、古今嘅味道融合!當濃郁香甜嘅北海道芝士遇上甘香苦澀嘅宇治抹茶,抹茶嘅甘就會中和芝士嘅甜膩。外層嘅曲奇非常鬆化,帶有淡淡嘅抹茶味,一咬落去就即刻感受到牛油嘅香氣!
2. LeTAO芝士牛乳夾心曲奇 $108
LeTao呢個牌子相信大家都唔會陌生,作為北海道最出名嘅芝士名店,佢地嘅商品一向都超人氣,尤其係呢款芝士牛乳夾心曲奇!鬆脆嘅曲奇外皮帶著濃郁嘅牛乳香氣,夾住鹹香嘅芝士牛乳,令你忍唔住食完一塊又一塊,根本停唔到手呀!
3. Pablo Dacquoise 酥餅 $108
Pablo大阪最熱門嘅商店之一,曾經創下7秒賣出一個蛋糕嘅紀錄,佢地嘅所有產品都有一定嘅味道保證。呢款酥餅結合南法傳統同日式風味,外酥內軟嘅Dacquoise夾住Pablo嘅招牌芝士忌廉同杏乾,一咬落去就感受到四種層次,淨係睇相都流哂口水啦!
4. Sugar Butter Sand Tree 奶油夾心餅乾 $88
Sugar Butter Sand 奶油夾心餅乾一推出就創下年售5千萬包的驚人銷量,以小麥製成嘅餅乾帶有淡淡嘅小麥香氣,烘焙時加上砂糖同牛油,一打開就瞬間感受到佢濃郁嘅香味,令人食指大動!餅乾夾住濃厚嘅牛乳白巧克力夾心,講到小編流哂口水啦!
5. 京都宇治・森半抹茶蜂蜜蛋糕 $98
京都宇治・森半係京都嘅百年老店,已經有成170年歷史,更2度得到全國茶審優勝大獎。呢款抹茶蜂蜜蛋糕味道濃厚香甜,抹茶味十足,食到最後更有蜂蜜嘅甜味,好層次呀!
6. Demerara Bakery 芝士小蛋糕 $138
同一般嘅芝士蛋糕唔同,呢間走英式風格嘅Demerara Bakery位於新宿,好受日本女仔歡迎,最主要嘅原因就係因為佢地嘅芝士蛋糕食落一啲都唔膩。蛋糕用上4款唔同嘅芝士製成,味道豐富,除咗一般嘅甜膩之外,更有芝士嘅鹹香,口味濃郁,甜面不膩!
7. Ägräs 手工氈酒 $410
呢款氈酒產自赫爾辛基郊區Fiskars,每支都由釀酒師親手釀製,所以產量唔高。Ägräs Gin可以算係入門級嘅氈酒,帶有香料及莓果嘅香甜味,味道順滑,容易入口。
8. Ägräs 蕁麻雞尾酒 $38
Ägräs 蕁麻雞尾酒係世上首款以Akvavit蒸餾酒為基調嘅Long drink,一入口就會感受到檸檬嘅酸甜,然後係茴香和蕁麻葉嘅香氣,味道好清爽,好啱夏天飲。而且呢款酒好啱就係配搭海鮮、魚,可以更突出鮮味,幫你清新味蕾,鍾意清新味道嘅你不妨試下啦!
9.富士山形美濃燒馬克杯 $149
美濃燒係日本三大瓷器之一,用上富士山造型燒製,顏色選用赤富士同青富士,去模仿日頭嘅富士山同夕陽時嘅富士山,帶有濃濃嘅日本色彩!呢款馬克杯有兩種選擇,最啱就係送比閨蜜/另一半做情侶杯!
依家係遊牧雜貨買野仲有優惠添呀,只要輸入「Flyday20」即減$20!你仲等啲咩呀?快啲去睇下啦!