作為熱門旅遊勝地，斐濟除咗有唔少現代化景點之外，同時亦保留住唔少傳統文化原素。大部分酒店夜晚都可以欣賞到原住民嘅表演同傳統舞蹈。當然要了解斐濟嘅傳統文化，淨係睇表演係唔夠！當地有唔少體驗活動，會帶大家探訪傳統部落，了解原始嘅風土人情。就等小編為大家講解一下斐濟傳統文化啦！
斐濟機票優惠
想去斐濟深度遊，當然要坐斐濟航空啦！香港直飛斐濟楠迪只有斐濟航空一間航空公司，最近斐濟航空亦有推出限時優惠，直飛楠迪$4,880 起 (連稅$5,770 起)！仲可以經楠迪轉機去其他太平洋島國，例如薩摩亞、東加、萬那杜等！
斐濟航空香港至楠迪航班時間 (即日起至12月3日逢星期一/四/六/日，12月3日起逢星期一/三/四/六/日)
- 去程：FJ392 16:55-07:05+1
- 回程：FJ391 08:20-14:50
【優惠日期】即日起至12月18日
【旅遊日期】即日起至2024年9月15日
斐濟風俗文化｜遊走傳統部落，認識斐濟傳統文化
斐濟自古以來由多個部落組成，係主島維提島及其他外島都有唔少一天遊體驗，可以帶你探訪多個部落村莊。去之前先介紹一下關於斐濟嘅傳統文化。
衣著服飾
斐濟人最傳統兼最正統的服飾稱為Sulu，Sulu 嘅特色係男女都可以著嘅裙，，平時女士著嘅全身裙叫做“ Sulu-i-ra ”，男士半身裙就叫做“Sulu Vakataga”。除此之外，斐濟人耳邊掛上雞蛋花或大紅花等花朵，帶係一左耳代表未婚，右耳就代表已婚。如果你有打算去探訪村莊，遊客如果著短裙、短褲或者小背心，都會被要求著上Sulu ，以示尊重，另外太陽眼鏡或者戴帽都係禁止㗎！
▼ Sulu
飲食文化
斐濟人主食為米飯、蕃薯、木薯，配上肉類同斐濟必食嘅各類新鮮海產同熱帶水果。斐濟作為熱門旅遊勝地，遊客們要搵各款環境美食絕對容易，不過一場嚟到，當然要試下地道美食啦！
海膽 Cawaki
斐濟海水水質極好，所以呢到唧海鮮極肥美鮮甜，特別係海膽 Cawaki。斐濟婦女平時會負責海膽主要收集過程，然後帶到市場上出售，而海膽就成為婦女收入來源。
▼ 海膽 Cawaki
Kokoda
用上酸橙和檸檬汁醃製生魚，再配上椰奶、辣椒、洋蔥、番茄、蔥、辣椒等材料，通常會用上椰子殻作為碗，充滿太平洋風情，Kokoda 係斐濟非常之常見，可以稱為國菜之一！
▼ Kokoda
Lovo
Lovo 係斐濟一種非常傳統的食物，斐濟人通常無係地上挖一個洞，鋪上椰子殻及熱石，然後點燃。跟住用香蕉葉或芋頭葉包裹住肉類、海鮮及蔬菜等食物，遊入地洞入低溫烤焗。食物跟過低溫烤焗後，鮮嫩腍滑。Lovo通常係斐濟婚宴或節慶日子就會見到。
▼ Lovo
卡瓦酒
卡瓦酒係斐濟非常重要嘅飲品之一，如果到訪各個鄉村，原住民都會奉上一杯卡瓦酒作為歡迎飲品。卡瓦酒雖然叫做「酒」，但係一啲酒精成份都無，斐濟人會將「卡瓦醉椒」(piper methysticum)根部磨成粉，再加上清水混和製成卡瓦酒。飲用後舌尖會感至麻木，全身亦會感到鬆弛，精神亦會感到鎮靜。
▼ 卡瓦酒
傳統儀式
卡瓦儀式
探訪斐濟村莊前，必須由酋長舉行卡瓦儀式方可進入，一行人中確立一名“首領”（一般為男性）提出申請，係酋長和祭司禱告祖先神靈批准、製作卡瓦，再由「首領」喝完椰殼盛滿嘅卡瓦，從而完成村莊歡迎儀式。
▼ 卡瓦儀式
米克舞（MEKE）
米克舞（Meke）係斐濟民族傳統舞蹈嘅統稱，通常係迎賓等慶賀場合會見到。米克舞有兩種舞姿，第一種係斐濟女性嘅坐姿舞同扇子舞，意在展現女性嘅輕柔美；第二種係斐濟男性嘅戰士舞同矛舞，意在展示男性嘅力量。兩種截然不同嘅舞姿結合起來，形成了剛柔並濟嘅米克舞！
▼ 米克舞（Meke）
禁忌
斐濟嘅部落村莊除咗有唔少傳統習俗， 同時都有唔少禁忌，大家去旅行時要留意啊！
- 女性唔可以著露肩嘅無袖上衣或長度不及膝蓋嘅短裙。
- 在部落村莊中唔可以戴帽子或太陽眼鏡。
- 唔好摸任何斐濟人嘅頭，包括小朋友。斐濟人認為頭部係人最神聖嘅部位，係最高精神所在。